منتديات ناز
السلام عليكم ورحمة الله وبركاته...
اخي الزائر اذا كنت مسجل لدينا قم بتسجل الدخول..

اذا كنت زئرا فيشرفنا انضمامك الى اسرة المنتدى..

مـُنـتـّديـٌآتـ نــــاز      



 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 احساس غريب

اذهب الى الأسفل 
كاتب الموضوعرسالة
إينوياماناكا
.(عضو نشيط).
.(عضو نشيط).
avatar

عدد المساهمات : 45
تاريخ التسجيل : 03/11/2010
العمر : 100
الموقع : الرياض

مُساهمةموضوع: احساس غريب   19/11/2010, 2:37 am


الســــ عليكـم ـــلام

هذا اول موضوع لي واتمنى تعجبكم الروايه

(.. احســــاس غــــريب ..)



اتركم مع الاحداث :

نعرف باعضا قصتنا :

(عائلة ابو سلمان )
الاب عبدالرحمن : اكبر الاخوان وعنده شركه خاصه باسمه واسم اخوانه
زوجته احسان : مدرسه متقاعده وتصير بنت عمه
سلمان : موظف عند ابوه بنفس الشركه ومتزوج بنت عمه سالم مريم
خالد : دكتور جراحة اعصاب متزوج بنت عمته نوف عمره  سنه
عدنان : يشتغل بالخطوط السعوديه متزوج عن حب من بنت من برا العايله هيفاء وعمره  سنه
نهى : متزوجه من ولد عمتها فيصل وعمرها  سنه
ممدوح : يدرس بجامعه بأمريكا وما يجي غير بالإجازات مملوح ويخقق البنات طويل كتوفه عريضه وجسمه معضل برونزي وعيونه عسليه وخشمه سيف وملامحه بدويه وفيه شرخ بحاجبه الايمن وفيه شوية غرور بس بنظره هذي ثقه وباقيله كم شهر ويخلص وعمره 25 سنه
حنان : رايحه لثاني ثانوي علمي قصيره شوي وعاديه ملامحها ولونها برونزي لكن جذابه بشكل فضيع شعرها ناعم لونه اسود ولنص ظهرها عمرها  سنه وهي اخر العنقود

(عائلة ابو يزيد)
ابو يزيد ( عبدالله ) : يشتغل مع اخوه ومتزوج بنت عمته فاطمه
يزيد : موظف بشركة ارامكو ومتزوج بنت عمته مها وعمره سنه
فارس : دكتور اطفال وعزوبي متحرر شوي بحكم دراسته بالخارج ملامحه بدويه طول بعرض قمحي وجذااااب طايحين عنده البنات خاصه المريضات خخخ عمره  سنه
فاديه : خلصت جامعه وقاعده بالبيت متوسطة الطول حلوه بس جذابه احلى شي فيها جسمها زي عارضات الازيا مغروره بشكل ودايم ورا الموضه عمرها  سنه
ثامر : ولد يزنن عمره  سنوات
تاله : اخر العنقود تاخذ العقل واخذه من اخوها فهد كثير ونفسك تاكلها عمرها سنتين<< احسني حاكلها قبلكم خخ

(عائلة ابو مروان )
ابو مروان (محمد) : عنده شركه خاصه ومتزوج البتول من خارج العيله
مروان : موظف عند ابوه وعزوبي كلمة حلو قليله عليه طويل وعريض وجسمه معضل واسمر عيونه واسعه لونها عسلي خشمه عادي ووجهه بيضاوي و شعره بني فله لكن شوي رزين
وعمره  سنه
ماجد : يشتغل بعد مع ابوه بعد متحرر شوي بحكم دراسته بالخارج فيه كثير من مروان بس لونه قمحي و فللله مررره بس اذا عصب ابعدو عنه عمره  سنه
مجدي : يدرس بالجامعه قسم حاسب مع ولد عمته اذا ضيعته تلقاه مع تركي مستحيل يفترقون عاد هذا كله يجنننن اطول شوي من ممدوح ولونه برونزي شعره ناعم لونه بني عيونه لوزيه وحواجبه مرسومه خشمه مثل حد السيف فمه وسط ووجهه بيضاوي مغازلجي درجه اولى هو وممدوح وتركي مافي بنت من بنات الرياض ما تعرفهم مشتركين هم وعيال العيله بنادي وهو بعد اذا عصب ابعد عنه عمره  سنه
جود : رايحه ثاني ثانوي صوتها روعه طويله ونحيفه شوي بس جسمها خيال ومفاتنها بارزه عيونها تجنن والكل منهبل عليها لوزيه ولونها بني ع اسود ورموشها مره كثيفه خشمها واقف روعه وفمها لاهو كبير ولا صغير يعني وسط ومليان ولون شفايفها احمر ع وردي تقريبا كرزي شعرها لونه مدرج خلقه يعني اللي فوق اسود ويتدرج للبني واطرافه شقرا وناعم شوي بالعربي جمالها جمال البدو وشكلها مختلف عن اخوانها بس شبه بسيط من قوة جمالها واخلاقها روعه وفله ووناسه تنحط عالجرح يبرى وهي مب معترفه بشي اسمه حب وحلالة مشاكل خخخ ومحبوبه من كل البنات
عمرها سنه ما تسجلت بسرعه بالمدرسه اخر العنقود

(عائلة العمه هند )
ام فيصل (هند) : اصغر الاخوان دكتوره بالجامعه متزوجه من خارج العيلة
فيصل : موظف بشركة عمه ابو مروان متزوج بنت عمه نهى عمره  سنه
هنادي : متزوجه من ولد عمتها وعمرها  سنه
غاده : متخرجه من الجامعه وقاعده بالبيت حلوه ملامحها وجاذبيه غير شكل طول بعرض ورزه بيضا وشعرها اسوود وكل يوم بقصة شعر حبوبه وفله خخ عمرها  سنه
تركي : طالب مع مجدي حلو بس جماله لا يقارن بجمال عيال خيلانه طاقها معهم مغازلجي عمره  سنه
اريج وجوري : توأم رايحين اولى ثانوي ملامحهم كثير من غاده بس شعورهم بني وعيونهم عسلي رفيقات جود مره عمرهم  نفس حكاية جود بالمدرسه تأخرو بس جود طبعا اكبر منهم وتتميز اريج برقتها الفضيعه وماعندها شغل العرابجه زيهم ههه
عصام : ولد يجنن عمره  سنين اخر العنقود

وشخصيات جديده تتعرفون ع تجي باحداثنا ...


وهذا البارت الاول


آحـــــســـآآس
مـــآحـــــســيت فـــيه
بــــحيـــآتـــــي
ولآ طــرآلـــي مـــثــل
هـــذا عــلى الـــبــآل
كـــلمــني آكـــثــر عــنــك
وآتـــــرك ســـكـــآتــي
آتـــخيـــلك وآتـــأمـــلــك
آجــمـــل آمـــــآل
آنــت الــــهــنــا وآنـــــت
الــشـــقــا وآمــــنــياتـــــي
(يـــازيـــــن هـــالــصـد فــة
عــلـى كــل آلآحـــــوآل)







......: هههه ليه ؟؟
جوري : بس يمكن عشانك بس تسرحين
جود : والله انك تحفه يعني الحين فسرتي سرحاني حب خخ واللي يرحم والديك ظفي وجهك يا قلبي واحب اطمنك يا فيلسوفه سرحاني عشان الثانويه والنسبه التراكميه
جوري : خخخ وانا اللي اقول اخيرا جود انصادت بس من جد يحقلك تفكرين بذا الله يعلهم ياشيخه حظنا انا واريج نحس مالقيو يحطونها الا ع سنتنا
جود : هههه ياشيخه خلينا نتونس مابقى عالاجازه شي لاحقين عالهم ههه
جوري : والله انك روعه ههه
جود : عارفه عارفه ما يحتاج خخخ يالله بس لا يطول باي حبي
جوري : ههه العن ابو الثقه اوكي لاتقطعين ويالله باي


جود بعد ماقفلت من جوري قعدت تحوس بالكمبيوتر عاشقته ههه والله اللي يسمعني يقول حبيبها خخخ
اوف طفشت جات تبا تخرج دقت عليها مريوم رفيقتها

جود : هلا وغلا بقلبي
مريم : اهلين بيكي يا حبيبة البي ازيك عامله ايه دانتي واحشاني اوي
جود : خخ اعصابك بشويش اولا انا عال العال حياتو ثانيا ايه الغيبه الطويله دي دا كله بمصر ام الدونيا بعدين تعالي مبروك زواج اخوكي وليه ماتدخلي المسن
مريم : ههه سوري حبيبتي ببس كنت مشغوله اوي بالفرح وما لإيت وأت ادخل المسن
جود : خلاص رحمتك خخخ كيفك شخبارك
مريم : الحمدلله يالله ما طولش عليكي و على رصيدي بس حبيت اطمنك اني وصلت
جود : خخ والله انك قحروط اوبس نسيت الحمدلله عالسلامه خخخ اوكي قلبي يالله باي
مريم : هههه باي حبيبتي

جود قامت نزلت عند امها وابويها واخوانها
قاعده اتنط الدرج اثنين اثنين خخ وتغني سلام سلام ياجماعه سلام سلام ياجماعه ابي ترحيب يناسبني تغنيها بلحن جداوي ههه
ابو مروان (ابويه ) : هلا وغلا يالله تحيي جود
جود : شكرا شكرا اخجلتم تواضعي خخخ
مروان يسلم وجه وقفا بكفه ويقول : الحمد لله والشكر ربي بلانا ببنت خبله
جود: ههه طالعه ع اخويه العزيز
ماجد: خخخ كفو ياخت ماجد كفك بس كفك هع هع لقط وجهك مروانوه خخخ
جود: ههه اعجبك مجود
مروان: هي هي هي بااايخه
جود: زي وجهك
ماجد: ههه جود بس خلاص خخخ ماستحمل بطني بتنفقع
جود : يوه بسرعه بسرعه الحق مجود
ماجد : خخخ ايش
جود : الحق عالحمام قبل ما تنفقع
ابو مروان : ههههههههههه ماجد لقط وجهك خخخ لاتضحك تبلى ههه حكرتكو بنت محمد خخخخخخ
جود غمزتله : كفو والله ابويه زدته احراج خخخ
ماجد : اما انتي ياجود ينخاف منك ههه
مروان : تستاهل عشان مره ثانيه تكون بصفي هع هع
جود : هي هي هي المهم ابويه
ابو مروان : هلا قلبي
جود : احرجتني بس ابغى فلوس عشان اقضي للعيد لان رمضان زحمه
ابو مروان : كم تكفيك الفين
جود : تكفي وتزود يابو مروان
ابو مروان : هيا خذي
جود قامت وسلمت ع راسه وقالت تستهبل: ما يحرمناش منك يا باشا
اببو مروان : خخخ اتوكلي بس وعن الكلام الزايد
ماجد ومروان : كاااااك لقطي وجهك خخخ
ابو مروان : خلاص انتو ماتحشمون احد
جود : ههههههه تستاهلون اللي جاكم وشردت لغرفتي
قبل ماتجيني تفشيله منهم

جود دخلت الغرفه طقت المكيف وشغلت الكمبيوتر قعدت تفرفر بالمنتديات طفشت من زود الطفش عالساعه اثنعش نامت خخ صحيت عالساعه اربعه دقت ع حنو ماترد ترددت ادق عالبيت لان الوقت متأخر وفشله بس عادي دقت رن الاولى الثانيه الثالثه
........: الوو الوو
جود (وي فشله تورطت ) : .........
......: الو رد بلا قلة ادب داق بذا الوقت
جود مالي غ ارد : احم الو السلام عليكم
........: هلا وعليكم السلام والرحمه مين معي
جود : مين عمو
........: لأ بس انتي مين
جود: اوف خوفتني الله يعلك ممدوح صوووح ياواد
ممدوح : اوخص داقه الحين ولك وجه تسبين مين جود وايوه انا ممدوح
جود اففف ايش يسكته الحين بس جد صوته تغير : ايوه انا جود ممدوح ممكن خدمه سريعه
ممدوح : ايش بغيتي
جود : اولا روح نادلي حنان
ثانيا اذا كانت نايمه صحيها تكلمني ثالثا وليس اخرا اذا طلبتك طلب بعد ما تقفل مني لبيه لها وبسسس
ممدوح : اوف اوف اوف الحين طلب صارت ثلاث طيب بس عشان ابغى انوم حاسويلك اللي تبينه عشان اخلص منك اوكي
جود : ياطول السانك روح بسرعه تراني استنى
ممدوح : جب جب اقول والله ماني فايقلك ولحظه
جود انقهرت منه
بعد عشر دقايق
حنان : الو (بصوت كله نوم وتتثاوب )
جود : واحد يادب النوم سدي المغاره حقت فمك ثانيا الوين
ثالثا صباح الخير والحقي اخوكي العله قبل ماينام خليه يجيبك عندي مشتهيه نفطر
حنان : ها بعد ماستوعبت اها طيب خلاص باي خليني الحق عليه سي يو
جود : خخخ سي يو

دقت ع غاده وردت بعد سنه
غاده : هلا ومرحبا بقلبي
جود : ههه اهلين وسهلين صباح الورد يا وردة والله كنت بهزإك عالتأخير خخ
غاده : ههه صباح النور
جود : حبيبي صحي النوامات اللي عندك و تعالو بنفطر
غاده : مين معنا ؟؟
جود : خخخ بس انا وانتو وهيه
غاده : هههه احلفي ومين هيه خخ بس مين يجيبنا يا حلوه
جود : ههه هيه حنان هع وتركي وش وظيفته
غاده : ههه خلاص اوكي
جود : غدو حبي لحظه معي خط حنو
غاده : اوكي

حنان: هلا جود العله ممدوحوه انخمد ولاهو راضي يقوم
جود : ههه حنو ريلاكس قلبو
خلاص دقايق وحاله المشكله اوكي
حنان : بالله وش بتسوين
جود : ههه نو نو سر المهنه يالله باي حنو غدو معي عالخط الثاني بس اتجهزي
حنان : ههه اوكي استناكي

رجعت لغاده
جود : سوري غدو عسى ماتأخرت عليك حبي
غاده : لا عادي خذي راحتك
جود : اوكي اتجهزي انتي وخواتك وحطلعكم وانا بنت ابوي
غاده : هههههه نشوف شبتسوين ههه اوكي نستناكي باي
جود تتكلم بلغه عربيه فصحى تستهبل : ارجو ان لا تستهيني بقدراتي ياعزيزتي والى اللقاء
غاده: هههه الى اللقاء

جود خرجت من غرفتها راحت لغرفة مجدي
دقت الباب قلها تدخل
جود : صباح الفطور والخرجات ههه
مجدي : هاهاي صباح النوم اقضبي الباب وراك
جود : افا هذا وانا لسى ماطلبتك
مجدي : ههه الكتاب باين من عنوانه طيب ايش تبين
جود : اوكي ياخويه الحلو ابغى اطلبك طلبات
خليك واثق انك ان رديتني حاتفشل
ابيك تاخذني
وتوديني مطعم وفطرني
دق ع ممدوح قله يجيب اخته وع تركي ويلحقونا
هاا تقدر
مجدي : اممم والله انك فله عصفورين بحجر واحد اقابل الشباب و نفطر اوكي يالله تجهزي
جود : ههه ياحبينيلك ويالله ثواني وخالصه سي يو
مجدن : خخ يالله وانا بدق عالشباب عبال

جود رحت غرفتي رركض وقبل ماقفل الباب جا ماجد
ماجد : خير يالله صباح الخير تفحطين بالممر
جود : هههه انت وخشتك موب فاضية ايه صح اذا تبي تخاوينا رايحين نفطر باي ابا اتجهز وقفلت الباب خخ سمعت ماجد يضحك ويقول : طيب يا جودوه شغلك عندي تقفلين الباب بوجهي
جود (من ورا الباب واصارخ ) : ههههه سوورري مجود بس مجدي لو اتأخرت حيهاوش
ماسمعت رد شكله مشي دخلت اخذت شور ولبست العبايه ونزلت الصاله تتفرج ع ام بي سي تو عبال

بنفس الوقت
ماجد : مجدي وصمخ اكلمك انا
مجدي : ماجد لحظه ايوه تركي
تركي : والله مافيني حيل اخرج
مجدي : ياخي انت ليش شايب
قوم اتنشط وخلي خواتك بعد يتنشطون تلقاهم طاقين طفش
تركي : خخخ والله اشك هالجود مسويتلكم سحر ايش التاثير هذا هع هع
مجدي : هع هع هااا تبي وصفتها
تركي : وشهي
مجدي : السحر خخخ
تركي : هههههه انت ووجهك خلاص اقنعتني يالله نتقابل بس وين
مجدي : خخ اتصدق عاد مدري
تركي : ههه والله انك منسم خلاص نروح كودو وناخذ فطور
مجدي : خخخ الحين كودو فيه فطور
تركي : ع مااعتقد يالله فمان الله
مجدي : خلاص تم فمان الكريم بعد ماقفل
هلا ماجد وش بغيت
ماجد : توك تذكرتني كان طولت اكثر يالاثول
مجدي : خخخ خلاص ولاتزعل عازمك ع فطور
ماجد : ايه قص ع (يقلد مجدي ) عازمك ع فطور قال اصلا رايح رايح جود قالتلي
مجدي : خخخ رزة فيس يعني كنت بتجي دون عزيمه
ماجد : هههه ايه يالله اخلص
مجدي : خخخ طيب
دقيت ع ممدوح يمكن لو ادقه ع احد ثاني صحي من زمان
ممدوح (بصوت بحه من النوم) : الوو
مجدي بصوت عالي: قــــوووم ياااا ممــــدوووح اللــــحقق
ممدوح : عمى عمى انت ماتبطل ذي الحركه ياخي انت واختك من مسلطكم علي
مجدي : هههههه ايش سوت جود بعد
ممدوح : ضحكت بليا ظروس اختك والله انها عله زيك داقه الفجر وتهاوش كاني ماكل حلالها وبعد تسلط علي حنان تجي تخرب نومتي قال شنو تبي تروح عند جود
مجدي : خخخخخخ كفو اخت مجدي وبعدين انت ووجهك ليش ماتجيبها (ماسك ظحكته) هااااه
ممدوح : لقعااه كفو ولا كفوين بالله مجود وش تبي خربت نومتي
مجدي : ههه طيب اسمع انا وتركي اتفقنا نشيل خواتنا ونفطرهم بكودو بتجي حياك مابتجي كيفك بس حمر اختك عشان جود تبغاها
ممدوح فزيت من السرير : الا يالخونه تتفقون من وراي وانا اخر من يعلم
مجدي : ههه اعصابك يابوفيصل تونا اتفقنا ها جاي ولا
ممدوح : الا اكيد جاي يالله سلام
مجدي : خخخ ننتظرك سلام

بنفس الوقت تركي كان يكلم غاده
تركي : غاده يالله صحي خواتك البقرات عازمكم ع فطور
غاده (فكت فمها) : هــــااااا
تركي (فطس ظحك) : هههههههههههه سكي المغاره اللي فكيتيها
غاده: خخخ طيب بس انت تعبان مصخن فيك شي
تركي : خخخ لأ ليه
غاده : بس لانه مو من عوايدك تعزمنا غير بعد طلعة الروح
تركي : هههه مو انا عازمكم هذي جود
غاده : والله عند وعدها جوجو
تركي : ايش وعدها
غاده : ها لا ولاشي يالله باي اصحيهم وخرجت ركض راحت لغرفة اريج وجوري
غاده : بنــــااات يالله قومو
جوري واريج : اففف ويــــن
غاده : بســــرررعه رايحين نفطر مع جود وحنان تركي بيودينا
جوري واريج سكتو شوي بعدين: اللااااي يالله ونقزوا من السرير خخ فطست ظحك عليهم وراحت تلبس خلصو وخرجو مع تركي

ممدوح شاف حنان جالسه متملله بالصاله ظحك يتخيل ردة فعلها : اقول حنو يالله بروح افطر تخاويني
نقزت من الكنبه واتفاجأ ممدوح الاخت لابسه عباتها
حنان ظحكت وقالت : ههه يالله
ممدوح مشيت وانا مستغرب قلت يمكن كانت حاطه امل اوديها وركبنا السياره

جود (بصراخ) : مجــــود  مجــــود وينكم حنا اللي عازمين واخر من يخرررج
طالعة اخواني نازلين من الدرج : يالله يالله
جود انهبلت: هي انتو رايحين تفطرون ولا تغازلون كل واحد اكشخ من الثاني (لابسين ثياب بيج ومسوين العمة بالشماغ وريحة عطورهم لما اخر الشارع )
ماجد ومجدي : ههههه لزوم الترقيم ياحلوه ويغمزون لبعض
جود : خخخ والله انكم فايقين مع هالصبح يالله بس اتاخرت عالبنات
ماجد : يالله وطلعو سيارته بي ام دبليو السودا وخرجو من الفله

جود رحنا المطعم لقينا سيارة تركي جيب  وسيارة ممدوح البورش بيضا
دخلنا قاعدين ندور بطاولات العوايل عليهم لقيناهم قاعدين بمكان حلو ومعزول
وقفنا عند الطاوله
ممدوح : يالله تحيه باللي جو
مجدي: خخ الله يحيك ويبقيك
ماجد : اقول متى جيتو
تركي : من زمااان
جود : احم احم اخباركم جميعا
ممدوح وتركي : بخير الله يعافيك و يغمزون لبعض
الخبله اريج وجوري وحنان ماستحملو انهم قاعدين نطو وحظنوني

و

طــــررراااااخ



طحت ع ظهري
جود : اي اي اي الله يقطع بليسكم
ماجد ومجدي (نطو عندي وماسكين الظحكه ) : سلامات جودي تعورتي
جود هنا نسيت الالم كله من اشكالهم و هم خايفين ويبون يظحكون : كــــاااااك هههههههههه اشكالكم خخخخخ
ماجد ومجدي طالعو ببعض وماتو ظحك : هههههههههه
الطاوله كلها ظحكت علي وعلى موقفي خخ
قمت طقيت العبايه وسلمت ع خد ماجد ومجدي : سوري حبايبي خوفتكم وعادي الالم ترى
جو حضنوني ويضحكون خلاص ارتاحو بعد ماكانت بعيونهم نظرات قلق وانا بحضن ماجد : مجودي حبيبي شوفلنا طاوله قريبه منكم نبي ناخذ راحتنا ومحب اقعد مع عيال عمي
بعدني عن حضنه وطالع فيه وابتسم قال : تامرين امر دلوعتي وراح
وقفت ع راس الطاوله وقلت : احم احم معكم جود محمد اخت مروان وماجد ومجدي خخخ ابغاكم تشكروني عاللمه الحلوه اللي جمعتكم عليها هه
مجدي : ايه صح اختي ام الافكار وهي اللي اقترحت
تركي وممدوح : لا ياشيخ الحين مع اختك هاه هههههه
كل القاعدين ضحكنا
جا ماجد : جود تعالي
جود : هلا قلبي
ماجد : شوفي الطاوله اللي ورانا فاضيه ومستوره
جود سلمت ع خده : مغسي حبي يالله بنات
ممدوح وتركي ومجدي يصفرون : اللي يشوفكم يقول حبايب ههههههه
جود : كيفي وكيفي وكيفي مو لازم رايكم ويك ويك ويك تبون تحرجوني ههه ماتقدروا وكيفي وكيفي
تركي : خخخ بالله كم مره قلتي كيفي
ممدوح: ههه ابوك يالثقه خخخ
جود سفهتهم: يالله حبايبي الصبايا بس
غاده وحنان وجوري واريج : يالله

راحو للطاوله بعد ماقعدو
جود : اففف حرر
جوري : ايه والله صح
جود : انتو ولاكلمه فشلتوني حتى طيحتي تضحك (تخيلو معي وحده طويله ونحيفه شوي لما تطيح كيف شكلها خخ )
اريج قامت سلمت عليها : سوري حبي بس ع قولة المثل ومن الشوق ماذبح
انا وغاده وحنان : هههههههه
جوري : اشفيكم
اريج : ايه صح وشفيه
جود : خخخ اريج انتي شو قلتي
اريج (مستغربه): هه ومن الشوق ماذبح قولي بسرعه ايش
جود : هههه مصره طيب يقول المثل ياعسل ومن الحب ماقتل خخ
اريج وجوري : ههههههه وكل ماطالعو بعض زادو ظحك
غاده : هههه اشفيه
جوري : خخخخ كنا دايم لمن نقول لحد ومن الشوق ماذبح يسالونا وش ذا نقول مثل يووه انتو مره قديمين ما تعرفونه هذا مثل مشهور ونتهاوش معهم لين يقتنعون خخخ
انا وحنان و غاده : هههههههه
جود : اقول حبايبي يالله تدللو ايش تبون فطور
غاده : ع ذوقك صح بنات
البنات : إيه
جود : خخخ احرجتوني ماعرف ايش يقدم فطور هالمطعم ههه بس دقيقه ادق ع ماجد

اشهر سيوف الجفا والبعد ضدي والبعد ضدي
اجحد عهود الهوا واطعن بودي امشي طريقك امشي طريقك اخر خطاك عندي >> رنة جوالي

جود : رفعــــت الجــــوال
مجودي
يتصل بك
جود : مرراااحب
ماجد : ههه هلا ايش تبون فطور
جود : خخخ ع ذوقك
ماجد : ههه اجل مالنا الا انجرب ودقينا عليكم قلنا نستنجد فيكم خخخخ
جود : هههههههههه
ماجد : اش بك خخ
جود : اقولك بعدين ههه باي
ماجد : ههه اوكي باي

جود : بنات اتخيلو اش صار
حنان : ايش
جود : ههه انتو قلتو ع ذوقك جيبي فطور انا تورطت فيكم ماعرف شي قلت ادق ع اخواني يعرفون جيت بدق دق ماجد يقولون وش تبون فطور قلت ع ذوقكم مانعرف شي
جا قال يعني مالنا غير نجرب احنا كنا نبي نستنجد فيكم
البنات : هههههههههههههههههههه
مر الوقت شوي
ودق مجدي
جود : هلاا ومرحبا
مجدي : اهلين اطلعي خذي الفطور ومو شغلنا اذا مو طعم خخخ
جود : ههه اوكي حبي ثواني ع ما اغطي

خرجت ادور مجدي عند الباب
جاها تركي
تركي : احم جود
جود : هلا
تركي : خذي الفطور
جود (طالعت بالصحن لو شلته من يده لابد المسها )
تركي فهم من نظرتها انه شجابه ففسرلها: سوري ماجد بالحمام يغسل يده ومجدي يكلم ممدوح
جود : هاه لا عادي لحظه بس
تركي (ياحليلها) : اوكي

دخلت عند البنات
جود : وحده منكم تروح لتركي يبغاها
اريج : اوكي انا حروح

راحتله
اريج : تركي بغيت وحده منا
تركي (كبرت بعيني هالجود): ايه خذي الفطور و خلصو بسرعه لان اول مانخلص حنروح طيب
اريج : اوكي

تركي رحت عند الشباب
ماجد : هلا تركي وين طسيت
تركي : خخ وديت الفطور للجيران وجيت ههه
ممدوح : حلوين (يغمزله بيلعبون ع ماجد)
تركي : ايه يخققون ورقمتهم بعد
مجدي يكمل اللعبه : كم وحده صدت خخ
تركي : وحده (اتذكر جود وابتسم)لكن معها اربعه الحقو قبل مايفوت الفوت خخ
ماجد : هي انتو من جدكم تغازلون مع ذالصبح وبعد معنا البنات
تركي : ههه ايه
ماجد : اقول عن الكذب الزايد بس طس
تركي : خلينا نفطر وحتدق

عند البنات

غاده: اقول جود
جود : سمي غناتو
غاده : سم الله عدوك بس ليه ما اخذتي الفطور من تركي

هــــــــدوووء الطاوله

جود : امم بس حسيتها صعبه شوي اخذها من يده وانتو موجودات يعني مو شي موزم انا اخذها
حنان : ههه ياي ياحركات عادي والله
جوري : صح خاصه ان احنا بنضره صغار ماحيهتم
اريج : ايه صح
غاده(ساكته استنى ردها)
جود :امم عادي !!! لا مو عادي
وياجوري اذا بنظره احنا صغار كيفه والصغير صغير العقل مو العمر
تصفير وتصفيق الطاوله ومن بين هبالهم : ياحركــــااات / ياهــــوه / يا خبــــرره
جود : ههههه اخجلتم تواضعي خخخ بس اش رايكم عند كلمتي للفطور ولا لا
غاده : صراحه عندها ونص اصلا انصدمت تركي يقول يالله بنروح نفطر خخخ
حنان : ههه اما انا كنت واثقه لدرجة اني جالسه بالصاله ولابسه عباتي نزل ممدوح قلي يالله قلتله يالله وانصدم اني لابسه عباتي خخخخ
جود : ههههه تووحفــــه خخخ
غاده : بدق ع تركي خلاص بنروح

عند الشباب

ترررن ترررن
غاده
يتصل بك

تركي (غمزت لماجد): هلا ومرحباا والله
غاده: اهلين (فهمت انه يلعب ع احد من نبرته) اخبارك
تركي : بخير دامني سمعت صوتك ايش اسمك ياعسل (الشباب كلهم حاطين اذانيهم عالجوال)
غاده : دوم مو يوم معك جود
ماجد ومجدي وممدوح طالعو ببعض رجعو يسمعون
تركي (من اول ماسمعت اسمها اختبصت): عاشت الاسامي معك تركي
غاده: اقول تروك زودتها ترى انا اختك يالخبل
تركي : اوووه اختي غاده ع بالي اللي رقمتها من شوي
غاده : طيب احنا طالعين نستناك بالسياره
تركي : اووف الاخلاق اوف اوكي توكلو الحين جاي

ممدوح : الله يخسك وانا اللي اقول شبك مع وحده خخخ
مجدي: لعبناها بالاول ع ماجد بالاخير تجي تلعب علينا هههه
ماجد : هههه تستاهلون بس انت واختك والله فله خخخ
تركي : هههه يالله سلام البنات بالسياره
ماجد : يالله حتى حنا رايحين

كل واحد دق ع اخته وراحو بيوتهم ومن اول ما دخلو ع غرفهم حطو روسهم وناموو ..

(اذا شفت تفاعل بكمل اوك)
احتري ردودكم Wink
الرجوع الى أعلى الصفحة اذهب الى الأسفل
عاشقة ترين هارتنت
.(عضو برونزي).
.(عضو برونزي).
avatar

عدد المساهمات : 64
تاريخ التسجيل : 18/09/2010

مُساهمةموضوع: رد: احساس غريب   19/11/2010, 9:39 pm

قصه رائعه لكن طويله

ههههههه

مشكوره ننتظر التكمله
الرجوع الى أعلى الصفحة اذهب الى الأسفل
>>ابـــو النوريـــن<<
.(عضو فضي).
.(عضو فضي).


عدد المساهمات : 73
تاريخ التسجيل : 20/11/2010

مُساهمةموضوع: رد: احساس غريب   20/11/2010, 6:29 am

مشكور على الموضوع امميز جدا جدا
الرجوع الى أعلى الصفحة اذهب الى الأسفل
إينوياماناكا
.(عضو نشيط).
.(عضو نشيط).
avatar

عدد المساهمات : 45
تاريخ التسجيل : 03/11/2010
العمر : 100
الموقع : الرياض

مُساهمةموضوع: رد: احساس غريب   26/11/2010, 9:08 pm

العفو اسفه تاخرة بالباقي قريب ان شاء الله
الرجوع الى أعلى الصفحة اذهب الى الأسفل
ملك البحار
.(عضو فضي).
.(عضو فضي).


عدد المساهمات : 85
تاريخ التسجيل : 29/10/2010
العمر : 28

مُساهمةموضوع: رد: احساس غريب   28/11/2010, 9:14 am

قصة رائعة مشكورة
الرجوع الى أعلى الصفحة اذهب الى الأسفل
سايا
.(عضو نشيط).
.(عضو نشيط).
avatar

عدد المساهمات : 44
تاريخ التسجيل : 26/08/2011

مُساهمةموضوع: رد: احساس غريب   26/8/2011, 11:55 am

مشكور قصه حلوه وطويله Smile Wink
الرجوع الى أعلى الصفحة اذهب الى الأسفل
 
احساس غريب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ناز :: ღ ஐ˚ 乂 القسم الإسلامي 乂˚ ஐღ :: قـــصـــص وروايـــات-
انتقل الى: